National News
Senador pinasisiguro sa PSA ang maayos na pagpapatupad ng Nat’l Identification System
Pinaalalahanan ni Senator Christopher Bong Go ang Philippine Statistics Authority na dapat masiguro ang matagumpay na pagpapatupad ng Philipine Identification System para maiwasan na ang mga fraudulent transactions at misrepresentation at mapabuti na ang paghahatid ng essential government services.
Sinabi ni Go na long overdue na ang national identification system kung saan nakita naman ngayong pandemic ang mga gaps sa paghahatid ng mga services tulad ng Social Amelioration Program (SAP) na ginamit sa pagbibigay ng tulong sa gitna ng COVID-19 pandemic.
Iginiit ni Go na kung naging fully functional lang sana ang National ID system o Republic Act no. 11055 na nilagdaan ni Pangulong Rodrigo Duterte para maging ganap na batas noong August 2018 ay posibleng nabawasan ang mga naging problema sa paghahatid ng tulong.
Nakasaad sa batas na bawat mamamayan gayundin ang mga resident alien ay bibigyan ng unique at permanent identification number na kanyang gagamiting record sa lahat ng government agencies at upang mabawasan na din ang pagpapakita pa ng ibang ID.
Inatasan na din ni Pangulong Duterte ang NEDA sa pangunguna ni Acting Secretary Karl Kendrick Chua na pabilisan ang pagpapatupad ng PhilSys.
Binigyang diin ni Go na kumpiyansa siyang mahalagang component ang national ID system para makita din ang benepisyo ng e-governance nang mas mabilis, magiging mas mabisa, mas cost-effective at mas mabilis na pagtugon sa mga pangangailangan ng sambayanan.