Pilipinas, pinapaalis na ang natitirang 44 Chinese vessels sa Julian Felipe Reef

Pinapaalis na ang mga Chinese vessels na nananatiling nakadaong sa Julian Felipe Reef.

Sa pahayag na inilabas ni Department of National Defense Secretary Delfin Lorenzana, pinagpapaliwanag nito ang Chinese Ambassador kaugnay sa pananatili ng 44 sasakyang-pandagat ng China sa Julian Felipe Reef.

“The Chinese Ambassador has a lot of explaining to do. As of our latest maritime and aerial surveillance, there are still forty-four (44) Chinese vessels that are in Julian Felipe Reef. I am no fool. The weather has been good so far, so they have no other reason to stay there. These vessels should be on their way out. Umalis na kayo diyan,” saad ni Lorenzana.

Kaugnay nito, muling iginiit ng kalihim ang pagpapaalis sa mga Chinese sa teritoryo ng Pilipinas.

“We have already lodged our diplomatic protest stating unequivocally our stand on the issue. We, again, reiterate our demand for the Chinese to leave our sovereign territories and abide by international Law,” ayon pa kay Lorenzana.

Matatandaang sinabi ng China na sama ng panahon ang dahilan kung bakit namalagi ang lagpas dalawang daan nitong sasakyang pandagat sa lugar.

Ayon naman kay Philippine Ambassador to China Jose Santiago Sta. Romana, temporaryo lang ang pananatili ng mga ito.

Sa kasalukuyan, maliban sa 44 na militia vessels na nananatili sa Julian Felipe Reef, may mahigit 200 pang nakakalat sa ibang reefs na saklaw ng Kalayaan Island Group.