Connect with us

Paglikha ng malinaw na resolusyon laban sa militia vessels ng China sa WPS, ipinanawagan

Ipinanawagan ni Surigao Del Norte Second District Rep. Robert Ace Barbers na sana'y magkaroon na ng boses ang bansa laban sa China.

National News

Paglikha ng malinaw na resolusyon laban sa militia vessels ng China sa WPS, ipinanawagan

Ipinanawagan ni Surigao Del Norte Second District Rep. Robert Ace Barbers na sana’y magkaroon na ng boses ang bansa laban sa China.

Kaugnay ito sa pananatili ng 44 mula sa mahigit 200  militia vessels ng China na nakadaong sa Julian Felipe Reef na sakop ng Exclusive Economic Zone (EEZ) ng Pilipinas.

Sa panayam ng Sonshine Radio, sinabi ni Barbers na dapat nang gumawa ang bansa ng isang resolusyong nagpapakita na dismayado na ang Pilipinas sa mistulang pambu-bully ng China.

Sa kabila nito, nilinaw ni Barbers na hindi nanghahamon ng giyera ang bansa laban sa China.

Matatandaan na ilang beses nang umapela si Defense Secretary Delfin Lorenzana sa China na paalisin na ang mga nakadaong na sasakyang-pangisda sa teritoryo ng Pilipinas.

Gayunman, nanindigan si Chinese Foreign Ministry Spokesperson Zhao Lijian na ang Julian Felipe Reef o ang whitsun ay matagal na nilang fishing grounds at bahagi ito ng nansha islands na sakop ng China.

More in National News

Latest News

To Top