Pag-imprenta ng official ballots para sa 2022 election, sinimulan na – COMELEC

Sinimulan na ng Commission on Election (COMELEC) ang pag-iimprenta ng official ballots para sa nalalapit na eleksyon.

Ito ang inanunsiyo ni COMELEC Spokesperson James Jimenez sa kanyang Twitter account.

Kasama sa kanilang i-iimprenta ang para sa Bangsamoro Autonomous Region in Muslim Mindanao (BARMM) na may kabuuang 2,588,193 balota.

Ngunit aniya, ang una nilang isasalang ay ang mga balota para sa Lanao del Sur na aabot sa 685,643.

Inanunsiyo din nito na natapos na ang pag-imprenta para sa local absentee voting (LAV) at overseas absentee voting ballots.

Ayon sa COMELEC, aabot sa mahigit 67 milyong official ballots ang kanilang i-iimprenta para ngayong national and local elections.