Alternatibong trabaho para sa mga displaced OFWs, pinag-aaralan     

OFWs na nagtatrabaho sa Hong Kong at Macau, exempted na sa travel ban

National News

Makakabiyahe na muli ang mga Overseas Filipino Workers (OFWs) na nagtatrabaho sa Hong Kong at Macau.

Ito ang kinumpirma ni Foreign Affairs Undersecretary Dodo Dulay ngayong araw sa kanyang twitter post.

Sinabi ni Dulay na exempted na mula sa outbound travel ban ng Inter-Agency Task Force on Emerging Infectious Diseases (IATF-EID) ang mga OFW na magbabalik trabaho sa Hong Kong at Macau.

Gayunman, subject pa rin aniya ang mga ito ng ilang procedural formalities.

Matatandaang mahigpit na ipinatutupad ang travel ban sa China at sa dalawang Special Administrative Regions (SAR) nito dahil sa banta ng Coronavirus Disease (COVID-19).