National News
Mahigit 1 milyong katao sa pilipinas, fully vaccinated na kontra COVID-19
Fully vaccinated na kontra COVID-19 ang mahigit isang milyong katao sa pilipinas.
Sa datos mula sa National Task Force (NTF) against Covid-19 at Department of Health (DOH), kabuuang 4,495,375 vaccine doses na ang naturok sa buong bansa hanggang noong Mayo 25.
Sa nasabing bilang, 3,466,314 ang ibinigay bilang first dose habang 1,029,061 ang ibinigay bilang second shots.
Batay din sa datos, average na 145,243 vaccine doses ang naiturok sa nakalipas na 7 araw.
Sa priority populations, 1.3M doses ang ibinigay sa frontline healthcare workers, 1.1M doses sa senior citizens, 941,091 doses sa persons with comorbidity at 10,695 doses ang itinurok sa essential workers bilang first vaccine shots.
Mayroon namang 581,797 medical workers, 195,952 senior citizens, 250,777 persons with comorbidity, at 535 essential workers ang nakatanggap na ng ikalawang doses.