Connect with us

Kabuuang halaga ng tulong sa mga apektadong pamilya ng bagyong Ulysses, ₱125.725 milyon na

Umabot na sa ₱125.725 milyon ang halaga ng natanggap na tulong para sa mga pamilyang matinding naapektuhan ng pananalasa ng bagyong Ulysses.

National News

Kabuuang halaga ng tulong sa mga apektadong pamilya ng bagyong Ulysses, ₱125.725 milyon na

Umabot na sa ₱125.725 milyon ang halaga ng natanggap na tulong para sa mga pamilyang matinding naapektuhan ng pananalasa ng bagyong Ulysses.

Ito ang pinakahuling update mula sa National Disaster Risk Reduction and Management Council (NDRRMC).

Nakapagpalabas ng ₱77.9 milyon ang Department of Social Welfare and Development; ₱44.1 million ang mga local government units; ₱2.8 milyon ang naibigay ng mga private partners mula sa Ilocos Region, Cagayan Valley, Central Luzon, CALABARZON, Bicol, Cordillera Administrative Region at National Capital Region; habang nasa mahigit ₱728,000 na halaga ng tulong naman ang naibigay ng mga non-governmental organizations at ng iba pang government organizations.

Sa pinakahuling datos ng NDRRMC, nasa mahigit 932,000 na pamilya o katumbas ng halos 4 milyong indibidwal ang kabuuang bilang ng mga apektadong pamilya mula sa mga nabanggit na rehiyon.

Nasa 73 katao na ang bilang ng mga nasawi, habang nasa 68 naman ang sugatan at 19 katao ang nawawala matapos ang pananalasa ng bagyo.

Umabot naman sa ₱4.2 bilyon ang kabuuang halaga ng pinsala sa agrikultura habang nasa ₱8.7 bilyon naman sa imprastruktura sa Ilocos, Cagayan Valley, Central Luzon, CALABARZON, Mimaropa, Bicol, Cordillera at Ncr.

More in National News

Latest News

To Top