National News
Hygiene facility, pinasinayaan sa Camp Crame
Pinangunahan ni PNP chief Police General Guillermo Eleazar ang pagpapasinaya sa bagong gawang Multi-Faucet Hygiene Facility sa Camp Crame.
Ito ay bilang bahagi ng “Sabi ni ‘Nay Maghugas ng Kamay, Lingap Kapulisan Program” sa pangunguna ng Officers’ Ladies Club (PNP-OLC) sa ilalim ni Ginang Rosalie “Lally” Eleazar, maybahay ng Chief PNP sa pakikipagtulungan ng pribadong sektor.
Makalipas ang mahigit tatlong buwan ay 17 hygiene facilities na ang napasinayaan sa 17 Police Regional Offices (PROs) na layuning maiwasan ang pagkalat ng coronavirus at iba pang infectious disease.
Ayon kay Eleazar, malaking tulong ang pasilidad para sa kapulisan ganundin sa mga kababayan natin na dumudulog sa tanggapan upang masiguro ang kanilang kaligtasan at proteksyon laban sa COVID-19 at mapigilan ang pagkalat nito.
Maliban dito, nagkaroon din ng turnover ng hygiene supplies mula sa pribadong kumpanya at Department of Health (DOH).