Higit 500K doses ng AstraZeneca vaccine, dumating na sa bansa

Dumating na sa bansa ang nasa kabuang 578,000 doses ng AstraZeneca vaccine.

Kasama sa sumalubong sa pagdating ng mga bakuna sina Joey Conception ng Go negosyo at National Task Force (NTF) against COVID-19 Chief Implementer Secretary Carlito Galvez Jr, at iba pang opisyal ng Department of Health (DOH).

Ayon kay Sec. Galvez ang 575k doses ng bakuna ay mapupunta sa private sector.

Ayon kay Conception, ang pagdating ng bakuna ngayong araw ay bahagi sa 17M dosis ng Astra vaccine na binili ng pribadong sector at Local Government units (LGU).

Samantala, aasahan naman alas 4:50 ng hapon mamaya ang dating ng 15,000 Sputnik V lulan naman ng Qatar airways flight QR932, na lalapag naman sa NAIA terminal 3.

Habang sa lingo, ika-15 ng Agosto ang dating ng 469,200 doses ng Moderna vaccines na inaasahang ilalapag ng Singapore Airlines flight SQ912 alas 3:35 ng hapon sa NAIA terminal 3.

Sa kabuuang, umaabot na sa 39 milyon doses ng bakuna kontra COVID-19 ang tinanggap na ng Pilipinas.