Dumaguete, itinuturing ng OCTA na area of most serious concern sa labas ng NCR

Dahil sa mataas ng kaso ng COVID 19 sa lugar, itinuturing ngayon ng OCTA research group na area of most serious concern sa labas ng Metro Manila ang Dumaguete.

Ayon sa OCTA, naitala ang 129% one-week growth rate at 70% average daily attack rate sa lungsod.

Ayon kay Mayor Felipe Remollo, isa sa dahilan kung bakit tumaas ang kaso sa kanila ay dahil sa mga umuwi mula sa NCR kung saan sa ngayon ay mahigit 200 ang aktibong kaso kaya nananawagan alkalde ng dagdag na suplay ng bakuna.

Maliban sa Dumaguete itinuturing na areas of concern ng OCTA ang Iloilo City, Butuan, Tacloban at Polomolok, South Cotabato.

Dahil mataas sa one-week growth rate at ADAR, itinuturing naman na emerging hotspot ang Tagum, Legaspi city at Tagbilaran.

Mismong ang Department of Heath (DOH) ng Western Visayas ang nagkumpirma na nasa high risk ngayon ng COVID-19 ang rehiyon kung saan Bacolod ay may pinakamaraming kaso.